09 ноя 10:52
Янгиликлар

Бокс/ММА

Маҳмуд Мурадов навбатдаги жанги ҳақида маълумот берди

Чехия пойтахти Прага шаҳрида машғулотларни бошлаб юборган Маҳмуд Мурадов навбатдаги жанги ҳақида берилган саволга жавоб қайтарди.

"Янги рақиб ва жанг санаси юзасидан жавоб кутяпмиз. Мағлубиятга учраган жангимдан кейиноқ биз UFC промоушени раҳбарларига навбатдаги жангга тайёр эканимиз, бизга рақиб беришларини сўраб, мурожаат қилганмиз. Улар кутинглар деб айтишганди. Ҳозир кутяпмиз. Янгилик бўлган заҳоти хабарини берамиз. Кўнглим ҳотиржам, чунки UFC билан амалда шартномам бор", - дейди Мурадов.

Эслатиб ўтамиз, Мурадов 29 август куни Лас-Вегасда ўтган UFC Vegas 35 турнирининг асосий кардида Жеральд Миршертга қарши октагонга кўтарилганди. Ушбу жангнинг иккинчи раундида Миршерт Мурадовни бўғиб қўйган эди.