Шавкат Мирзиёев чемпион Абдусатторовга салом йўллади

Эътиборга молик жиҳати шундаки, Мустақил Давлатлар Ҳамдўстлигининг норасмий саммити бўлиб ўтган Санкт-Петербургдан Тошкентга қайтаётган самолётда Президентимиз Шавкат Мирзиёев ва бутун делегация тезкор шахмат бўйича жаҳон чемпионатида ҳамюртимиз Нодирбек Абдусатторовнинг иштирокини катта қизиқиш билан онлайн кузатиб борди. 

Давлатимиз раҳбари шахматнинг рапид йўналиши бўйича янги ва энг ёш жаҳон чемпионига ўзининг энг самимий табрикларини йўллади ҳамда унинг ота-онаси ва мураббийларига миннатдорлик билдирди. Баракалла!