Маҳмуд Мурадов Ислам Махачев ҳақида фикр билдирди

Аксинча, деярли бир-бирига тенг кучдаги рақиблар ўртасида тож учун кураш авжига чиқди. Чемпион Чарльз Оливейра, камар учун даъвогарлар Жастин Гэтжи, Дастин Порье, Ислам Махачев, ёзда октагонга қайтадиган Конор Макгрегор, ҳали сўнгги сўзини айтмаган Тони Фергюсон каби юқори даражадаги жангчилар ушбу вазнни "қиздириб" беришяпти. 

Сайтимиз мухбиринининг Ислам янги Хабиб бўла оладими, деган саволига UFC промоушенидаги илк жангчимиз Маҳмуд Мурадов шундай жавоб берди.         

"Ислам янги Хабиб эмас, биринчи Ислам бўлади (кулади). Ишончим комил, 2022 йил Махачев учун аталади. У Бенеил Дариушни мағлуб этса, камар учун даъвогарга айланади. Буни унинг ўзи ҳам яхши тушуниб турибди. Ислам 2022 йилни чемпион сифатида якунлайди. Бунга ишонаман. Ҳа, Оливейра жиддий рақиб. Буни у Дастин Порьега қарши жангда исботлади. Кўпчилик ва шахсан мен ҳам Порьенинг ғалабасини кутгандим", - дейди Мурадов. 

Эслатиб ўтамиз, Ислам Махачев навбатдаги жангини 27 февраль тонгида америкалик Бенеил Дариушга қарши ўтказади. Бу икки жангчи рейтингда учинчи ва тўртинчи ўринларни эгаллаб туришибди.