06 мар 11:08
Янгиликлар

Бокс/ММА

UFC 272. Орзиқиб кутилган марказий жанг якунланди ФОТОГАЛЕРЕЯ

Ҳозиргина АҚШнинг Лас-Вегас шаҳрида ташкил этилган UFC 272 турнири ўз якунига етди.

"Ти-Мобайл Арена"да ўтган оқшомнинг марказий жанги яримўрта вазн тоифаси вакиллари Колби Ковингтон ҳамда Хорхе Масвидаль ўртасида бўлиб ўтди. Бу икки жангчи яқингача битта залда машғулот ўтказишар, бир-бирлари билан жуда қалин дўст эдилар. Бугун эса улар "қафас"да тўқнаш келишди.

Беш раундга мўлжалланган жанг тўлиқ давом этди ва якунда Колби Ковингтон қисқа муддатда душманга айланган дўстини очколар (49-46, 50-44, 50-45 ) ҳисобига кўра мағлубиятга учратди.

Деярли барча раундларда Ковингтон Масвидалдан устунликка эришди. Хорхе тўртинчи раундда вазиятни ўзгартириши мумкин эди. Лекин буни уддалай олмади. Жанг асосан партерда кечганини ҳам айтиш жоиз.