22 май 09:50
Янгиликлар

Бокс/ММА

Алимханули нокаут эвазига вақтинчалик WBO камарини қўлга киритди

АҚШнинг Невада штати Лас-Вегас шаҳрида профессионал бокс кечаси бўлиб ўтди.

"Resorts World"да ўтган оқшомнинг марказий жанги ўрта вазн (72,6 кг) тоифасида вакант бўлиб қолган WBO чемпионлик камари учун кечди. Камар учун мағлубият нималигини билмай келаётган қозоғистонлик Жанибек Алимханули (12-0, 8 KO) британиялик Дэнни Дигнам (14-1-1, 8 KO)га қарши рингга кўтарилди.

Биринчи раунднинг ўзида Алимханули юқори темп эвазига рақибини нокдаун ҳолатига тушириб қўйди. Иккинчи раундда эса Жанибек ўнг қўл хук ҳамда апперкот зарбаси билан рақибини нокаутга учратди ва вақтинчалик WBO камарини қўлга киритди.