Петр Ян Шон O'Мэллининг чорловига жавоб қайтарди

Петр Ян Шон O'Мэлли билан жангга тайёр, агарда - Шон Педро Муньоз билан муваффақиятли жанг ўтказса.

"Ҳей, пушти пудель, агар шанба куни ғалаба қозонсанг ва мен билан жанг қилишни чиндан ҳам хоҳласанг, менга қарши чиқишга ҳаракат қил ва мен бу чорловни қабул қиламан. Аммо бу шунчаки шов-шув бўлса, мен ҳақимда гапиришни бас қил, қўрқоқ”, - деб ёзди россиялик спортчи ижтимоий тармоқларда.

"Улар шов-шув қилишади, аммо шартнома борасида гап кетганда, бошқа вариантларни танлашади. Мен жиддий гапираман - вақт, жой! ”, - дея қўшимча қилди собиқ UFC чемпиони.