03 июл 07:44
Янгиликлар

Бокс/ММА

UFC 276. Шон О’Мэлли рақибининг кўзига қўлини тиқиб олди

Айни дақиқаларда АҚШнинг Невада штати Лас-Вегас шаҳрида узоқ кутилган UFC 276 турнири бўлиб ўтмоқда.

Парадайсдаги "Ти-Мобайл Арена" стадионида ўтаётган оқшомнинг асосий кардидан ўрин олган жанг кутилмаган ҳолат билан якунига етди. Енгил вазнда бразилиялик 35 ёшли Педро Муньос америкалик 27 ёшли Шон О’Мэллига қарши октагонга кўтарилди.

Жанг иккинчи раундда тўхтатилди. О’Мэлли кутилмаганда Муньоснинг кўзига қўлини тиқиб олди. Шифокорнинг хулоласига кўра рефери жангни давом эттирмасликка қарор қилди. Шон биринчи раундда ҳам белдан пастга зарба бергани учун огоҳлантирилганди.

Шу тариқа, Педро Муньос - Шон О’Мэлли жанги ўтказилмаган деб топилди.