07 июл 07:43
Янгиликлар

Бокс/ММА

Жейк Пол - Томми Фьюри яна бекор қилинди

Британиялик боксчи Томми Фьюри ҳамда таниқли блогер Жейк Пол ўртасидаги жанг расман ўтказилмайдиган бўлди.

Бунга Фьюрининг виза билан боғлиқ муаммоси сабаб сифатида кўрсатилмоқда. Ушбу жанг 6 август куни Нью-Йоркдаги "Мэдисон Сквер Гарден" аренасида ўтказилиши керак эди.

Ушбу кардда британияликнинг ўрнини кичик Хасим Раҳмон эгаллайди. У супероғир вазн тоифасида собиқ жаҳон чемпиони Хасим Раҳмоннинг ўғли ҳисобланади. Ҳисобида проф рингда 12 ғалаба ва 1 мағлубият бор.

Эътиборга молик жиҳати шундаки, америкалик 31 ёшли Раҳмон Жейк Пол билан бирга машғулот ўтказган ва айнан у ютуберни баскетболчи Нейт Робинсонга қарши жангига тайёрлаган. 25 ёшли Жейк Пол профессионал боксда ўтказган 5 та жангининг барчасида рақибларини нокаутга учратган.