01 авг 11:19
Янгиликлар

Бокс/ММА

Кутилган хабар! Жейк Пол - Хасим Раҳмон жанги бекор қилинди

Америкалик видеоблогер Жейк Пол ҳамда кичик Хасим Раҳмон иштирокидаги жанг ўтказилмайди.

Бу маълумотни жангни ташкил қилиш билан шуғулланган MVP Promotions промоутерлик компанияси тасдиқлади. Кичик Раҳмон афсонавий Хасим Раҳмоннинг ўғли ҳисобланади.

Жангнинг бекор бўлишига Раҳмоннинг вазн қила олмагани сабаб сифатида кўрсатилмоқда. Жанг 6 август куни биринчи оғир вазн (90,7 кг.гача) тоифасида ўтказилиши керак эди. Келишувга кўра, Раҳмон жанггача мунтазам равишда тарозидан ўтиб туриши белгиланганди.

Нью-Йорк штати Атлетик комиссияси хабарига кўра, шартнома имзоланаётган пайтда Раҳмоннинг вазни 98 кг чиққан эди. Кейинги уринишда у ярим килограмга вазн ташлади. Шундан сўнг Полнинг жамоаси жангни бекор қилди.