02 ноя 17:45
Янгиликлар
Бокс/ММА
Баҳодир Жалоловнинг рақиби маълум, буни унинг ўзи тасдиқлади
Токио Олимпиадаси чемпиони, профессионал боксчимиз Баҳодир Жалолов навбатдаги жангини ноябрь ойида ўтказиши ҳақида хабар қилгандик.
Olamsport.com сайтига маълум бўлишича, у 26 ноябрь куни АҚШнинг Калифорния штати Карсон шаҳрида ўтказиладиган жанг оқшомида рингга кўтарилади.
Ўша куни унга америкалик Кёртис Харпер рақиблик қилади. Жанг 10 раунддан иборат бўлади. Буни боксчимиз сайтимиз мухбири билан суҳбатда тасдиқлади.
Маълумот учун, Баҳодир шу кунгача проф боксда 11 та жанг ўтказиб, уларнинг барчасида рақибларини муддатидан олдин мағлуб этган.
Харпер эса 22 та жанг ўтказган ва уларнинг 14 тасида ғалабага эришган (9 та нокаут). 8 та жангда мағлуб бўлган (3 та нокаут).
Кечанинг марказий жангида Регис Прогрейс ва Хосе Зепеда вакант бўлиб турган WBC камари учун рингга кўтарилади.
Ҳавола :
Манба : olamsport.com
Фикрлар