15 янв 20:45
Янгиликлар

Теннис

Ҳумоюн Султонов Қатар турнири ғолиби

Қатар пойтахти Доҳа шаҳри мезбонлигида ўтаётган ITF таснифига кирувчи турнир ўзининг якуни сари яқинлашмоқда.

Ҳамюртимиз Ҳумоюн Султонов ҳиндистонлик ҳамкори Парикшит Сомани билан бирга мусобақанинг жуфтлик баҳслари ғолибига айланди. Улар бироз аввал якунланган финал учрашувида италиялик Жакопо Берреттини ҳамда эстониялик Кристиан Тамм жуфтлигини мағлуб этишди - 7/6(3), 6/2.

Маълумот учун, дунёнинг 490-ракеткаси бўлиб турган 24 ёшли Ҳумоюн яккаликнинг ярим финалида ATP рейтингида 780-поғонада бораётган Кристиан Таммга 6/7, 4/6 ҳисобида имкониятни бой бериб қўйганди.