21 фев 07:44
Янгиликлар

Бокс/ММА

88 ёшли Боб Арум Top Rank компаниясини сотади

Дунёга машҳур Top Rank промоутерлик компанияси сотилади.

Унинг эгаси 88 ёшли Боб Арум компанияни таклиф этилган яхши суммага сотишга тайёр эканлигини маълум қилди. Арум айни пайтда Endeavor, Liberty Global ва DAZN компанияларидан таклиф келиб тушганини ҳам айтди.

Маълумот учун, Арум деярли ярим аср илгари, аниқроғи 1973 йилда Top Rank промоутерлик компаниясига асос солган. Боб турли йилларда Муҳаммад Али, Шугар Рэй Леонард, Оскар Де Ла Хойя, Флойд Мэйвезер, Мэнни Пакьяо сингари дунё бокси афсоналари иштирокдаги жангларни ташкил қилган. Ҳозирда Теренс Кроуфорд, Василий Ломаченко, Тайсон Фьюри, Александр Гвоздик ва бошқа юлдузлар унинг мижозлари ҳисобланади.