10 май 07:03
Янгиликлар

Велоспорт

9 май – Хотира ва қадрлаш куни муносабати билан фахрий велоспортчиларга эҳтиром кўрсатилди

Туризм ва спорт вазирлиги, Миллий олимпия қўмитаси ҳамкорлигида Ўзбекистон велосипед спорти федерацияси томонидан 9 май - Хотира ва қадрлаш куни муносабати билан фахрий спортчилар иштирокида байрам тадбири ташкил этилди.

Уларнинг ҳаёт йўллари, эришган ютуқлари хусусида сўз юритилиб, юртимиздаги тинчлик-осойишталикнинг қадрига етиш кераклиги айтилди.

Фахрий спортчилар таъкидлаганидек, бугунги осойишта ва фаровон ҳаётга эришиш учун қанчадан-қанча боболаримиз жасорат кўрсатиб, жанг майдонларида ҳалок бўлишган. Уруш аталмиш даҳшатли бу бало, халқимизнинг, аждодларимизнинг бошига не-не қаро кунларни солмаган?

Фахрийлар дастурхон атрофида бугунги тинч-осойишта замонамизга шукроналар келтириб, Мустақиллигимиз боқий бўлсин, дея дуога қўл очдилар.

Уларга кўкрак нишонлари ҳамда эсдалик совғалари топширилди.