05 июн 12:55
Янгиликлар

Спорт курашлари

Аббос Раҳмонов рейтинг турнири финалида, Наврўзов бронза учун курашади

Қозоғистонда Болат Турлиханов хотирасига бағишланган эркин, юнон-рум ва аёллар кураши бўйича рейтинг турнири давом этмоқда.

Айни дақиқаларда эркин кураш бўйича саралаш беллашувлари ўз якунига етиб боряпти. 65 кг вазнда юртимиз шарафини ҳимоя қилаётган Аббос Раҳмонов финал йўлланмасини қўлга киритди. Навоийлик курашчимиз 1/2 финалда қозоғистонлик Рифат Сайботаловни 6-2 ҳисобида доғда қолдирди. Унинг олтин медаль учун кечадиган беллашувдаги рақиби ярим финалда Умиджон Жалоловдан устун келган Тумур Очир (Мўғулистон) бўлади.

Рио Олимпиадаси совриндори Ихтиёр Наврўзов кечки дастурда бронза медали учун курашадиган бўлди. 74 кг вазн тоифасида курашчимиз қозоғистонлик Нуркожа Кайпановга қарши гиламга чиқади.