Абдель-Азиз журналистни Хабиб жамоасини таъқиб қилишда айблади

"Ариэль Хельвани, сенинг Хабиб ва унинг жамоасига нисбатан доимий салбий муносабатинг жонимга тегди. Усман Нурмагомедов акаси билан содир бўлган воқеа туфайли руҳий тушкунликка тушган ва қаттиқ қайғуда эди. Гап оила ҳақида кетганда, ҳиссиётлар устун келиши мумкин ва ҳар биримиз шошма-шошарлик билан муносабат билдиришимиз мумкин.

Бугун мен Юрайя Фейбер билан гаплашдим ва у менга ушбу вазият давомида жамоа ўзини жуда ҳурматли ва муносиб тутганини айтди.

Ариэль, сен шов-шув ортидан қувувчисан. Одамлар қийин дамларни бошдан кечираётган пайтда сен драма қидирасан ва буни контентга айлантирасан. Айнан шунинг учун ҳам ҳеч қайсимиз сенга интервью беришни хоҳламаймиз. Жанжаллар ортидан қувишда давом этавер. Биз эса ўзимизникиларга ғамхўрлик қилишда давом этамиз", — деб ёзди Абдель-Азиз ўзининг Х ижтимоий тармоғидаги саҳифасида.