24 янв 10:42
Янгиликлар

Бокс/ММА

Абдель-Азиз Оқ уйдаги турнирда қайси мамлакатлар жангчилари чемпион бўлмаслигини тахмин қилди

Таниқли менежер Али Абдель-Азиз Оқ уйда бўлиб ўтадиган UFC турнирининг карди ҳақида фикр билдирди.

2025 йил октябрь ойида АҚШ президенти Дональд Трамп Оқ уйдаги турнир 2026 йилнинг 14 июнь куни бўлиб ўтишини эълон қилган эди.

"Ўйлайманки, бу ҳафтадаги турнирдан кейин улар режаларни аниқлаштиришни бошлашади. Ҳамма олти-еттита чемпионлик жанги бўлишини айтяпти. Мен энг кўпи билан учта, эҳтимол, иккита бўлишига пул тиккан бўлардим.

У ерда Россия ва грузияликлар иштирокида жанглар бўлади, деб ўйламайман. Катта эҳтимол билан, бу бразилиялик билан америкалик ёки шунчаки америкалик бўлади. Ахир бу Американинг туғилган куни-ку! Улар қўлларидан келган энг катта жангни ташкил қилишади", - деди Абдель-Азиз YouTube’даги Submission Radio каналида.

Аввалроқ, Абдель-Азиз Конор Макгрегорнинг Хорхе Масвидальга қарши жанги ҳақида гапирганди.