15 июн 10:26
Янгиликлар

Бокс/ММА

Абдель Азиз Усманнинг навбатдаги рақиби ҳақида гапирди

Ярим ўрта вазнда UFC чемпиони Камару Усманнинг менежери Али Абдель-Азиз британиялик Леон Эдвардснинг америкалик Нейт Диасга қарши ғалабасига муносабат билдирди.

Абдель Азиз Эдвардс энди Усманга қарши курашиши кераклигини аниқ айтди.

"Усман Эдвардсга қарши, қолганларни унутинг", - деб ёзди Абдель-Азиз ўзининг Тwitter`даги саҳифасида.

Олдинроқ UFC президенти Дана Уайт Эдвардс-Диас жанги ғолиби титул жанги учун ҳақли эканлигини маълум қилганди. Шу билан бирга, Колби Ковингтон ҳам камар жанги учун даъво қилмоқда.

Aввалроқ Усман кейинги жангда ушбу дивизионнинг собиқ вақтинчалик чемпиони Ковингтон билан жанг қилишни истамаслигини бир неча бор таъкидлаган эди.