Абдулҳай Шораҳматов: "Мусобақада ЖЧ финалчисини мағлуб этдим, финалда эса..."

Терма жамоамиз аъзоси Абдулҳай Шораҳматов ушбу мусобақа якунлари ҳақида ўз таассуротлари билан ўртоқлашди.

"Болгариядаги "Странджа" халқаро мусобақасида муваффақиятли иштирок этиб, жамоавий ҳисобда иккинчи ўринни эгалладик.

Турнир давомида Швеция ва Италиядан ташриф буюрган рақибларни мағлуб этиб, чорак финалгача етиб бордим. Чорак финалда эса жаҳон чемпионати финалчиси, икки карра Американинг икки карра чемпиони Раган Дакка қарши жанг ўтказдим. Баҳс қийин кечган бўлсада, якунда ҳамюртларимизнинг дуоларини ҳис қилиб турдим ва ғалаба қозондим. Ярим финалда эса Европа ўйинлари ғолиби, уч карра Россия чемпиони Бахназар Назировга қарши рингга чиқдим. Жангда мураббийларимнинг кўрсатмаси эвазига ғолиб бўлдим. Финалда эса ҳамюртим Миразиз Мирзаҳалилов билан жанг ўтказдим. Биз чиройли бокс намойиш этдик. Бир-биримизнинг услубимизни билганимиз учун, очиқ жанг бўлгани йўқ. Якунда ҳакамлар унинг ғалабасини қайд этишди. Мен албатта бундан ажабландим, рақибим ҳам ҳайрон қолган бўлса ажаб эмас.

Қўллаб-қувватлаганликлари учун мухлисларга раҳмат айтмоқчиман. Келгуси жангларда ҳам байроғимиз баландларга кўтарилишини, мадҳиямиз доимо жаранглаб туришига ўз ҳиссамизни қўшишдан чарчамайлик", - деди Абдулҳай Шораҳматов.