22 ноя 06:31
Янгиликлар
Бокс/ММА
Абдулҳай Шораҳматовнинг Польшадаги жанги муддатидан олдин якунланди
Истеъдодли боксчимиз Абдулҳай Шораҳматов профессионал рингдаги иккинчи жангини ўтказди.
Польша пойхати Варшава шаҳрида ташкил этилган ушбу баҳсда ҳамюртимизга мезбон Роберт Ниедзведцки рақиблик қилди. 6 раундга мўлжалланган жанг иккинчи раунддаёқ ўз якунига етди.
Боксчимиз иккинчи раундда чап қўлидаги кучли зарбаси орқали рақибини рингга қулатди. Шу тариқа мезбон боксчи жангни давом эттира олмади ва боксчимиз ўзининг иккинчи жангини ҳам муддатидан олдин якунлади.
Эслатиб ўтамиз, Абдулҳай проф боксдаги илк жангини февраль ойида филиппинлик рақибга қарши ўтказиб, уни ҳам муддатидан олдин мағлуб этганди.
Ҳавола :
Манба : olamsport.com
Фикрлар