08 фев 16:45
Янгиликлар

Бокс/ММА

Абдулҳай Шораҳматовнинг профессионал боксдаги илк жанги бир раундгина давом этди

"Uzbek Tigers" сафида танилган иқтидорли боксчимиз Абдулҳай Шораҳматов бугун профессионал боксдаги илк жангини ўтказди.

Филиппиннинг Сан-Фернандо шаҳрида ўтказилган жанг оқшомида ҳамюртимиз мезбон боксчи Бенжи Эбидога қарши рингга чиқди.

4 раундга мўлжалланган жанг биринчи раунддаёқ якунига етди. Раунд ўрталарида Шораҳматов рақиб жигарига берган кучли зарбасидан сўнг Эбидо ерга қулади ва жангни давом эттира олмади.

Қайд этиш лозимки, Шораҳматов Мэйвезер билан ҳамкорлик қиладиган "Black Cobra" билан бирга ишламоқда.

Биз иқтидорли боксчимизни проф рингдаги муваффақиятли дебют билан табриклаймиз.