05 ноя 13:40
Янгиликлар

Бокс/ММА

Абдулманап Нурмагомедов номидаги мактаб Ислам Махачевнинг навбатдаги жангини эълон қилиб юборди + ФОТО

Таниқли ММА мураббийи Абдулманап Нурмагомедов номидаги мактабнинг Инстаграмдаги саҳифаси енгил вазн тоифасида UFC чемпиони Ислам Махачевнинг кейинги жангига оид маълумотларни сиздирди.

Уларга кўра, Ислам Махачев аввал хабар берилганидек, 2025 йил 18 январь куни Лос-Анжелес (АҚШ) шаҳрида бўлиб ўтадиган UFC 311 турнири доирасида арманистонлик Арман Царукян билан тўқнаш келади. Ушбу жанг ҳозирча расман тасдиқланмаган.

Мазкур жанг аралаш яккакурашчилар учун ўзаро иккинчи тўқнашувга айланади. 2019 йилнинг апрель ойида ўтказилган илк жангда Махачев очколар ҳисобига кўра зафар қучганди.

Маълумот ўрнида, UFC 311 турнири доирасида ўзбекистонлик Богдан Гусков Бразилия вакили Жонни Уокер билан жанг қилади.