16 янв 13:19
Янгиликлар

Спорт курашлари

Абдулрашид "Рус танки" Садулаев RAF Лигаси билан шартнома имзолади

Эркин кураш бўйича икки карра Олимпиада, олти карра жаҳон чемпиони Абдулрашид Садуллаев Американинг шиддат билан ривожланиб бораётган Лигаси билан шартнома тузди.

Россиялик эркин курашчи профессионал кураш лигаси ҳисобланган Real American Freestyle билан келишувга эришди.

"Абдулрашид Садуллаев - эркин кураш тарихидаги энг доминант спортчилардан бири. Унинг RAF билан эксклюзив шартнома имзолаш қарори ушбу спортнинг элитаси энди бизнинг лигамизни профессионал йўналиш сифатида кўраётганининг аниқ белгисидир. Бу бутун дунё бўйлаб платформамизни кенгайтиришда давом этар эканмиз, эшиттирувчилар, ҳамкорлар ва мухлислар орасида тарғиботни тезлаштиради", - дея янгиликка изоҳ берди Лига раҳбари Чад Бронштейн.

Икки карра Олимпия чемпиони, олти карра жаҳон чемпиони, 29 ёшли Абдулрашид Садуллаев тарихда уч хил вазн тоифасида жаҳон чемпионлигини қўлга киритган икки курашчидан биридир. Айни пайтда унинг эркин курашдаги рекорди 160 ғалаба ва 6 мағлубиятни ташкил этмоқда. "Рус танки"нинг Real American Freestyle лигасидаги дебюти санаси ҳозирча номаълум.