15 фев 15:41
Янгиликлар

Бокс/ММА

Абдурасул Исмоиловнинг навбатдаги рақиби ва жанг санаси маълум. Жанг камар учун кечади!

Енгил вазн тоифасидаги ўзбекистонлик профессионал боксчи Абдурасул Исмоиловнинг кейинги жанги тафсилотлари маълум бўлди.

28 ёшли чарм қўлқоп устаси 27 февраль куни Россия Федерациясининг Москва шаҳридаги USC Soviet Wings мажмуасида ташкил этиладиган проф бокс оқшомида иштирок этади.

Ўша куни Абдурасулга россиялик Артур Субханкулов рақиблик қилади. 10 раундлик жанг енгил вазнда вакант бўлиб турган EBP камари учун ўтказилади.

Маълумот учун, Абдурасул Исмоилов фаолияти давомида 14 та жанг ўтказиб, 11 та ғалаба, 2 та мағлубият ва 1 та дуранг қайд этган. У сўнгги жангини 2024 йил май ойида филиппинлик Аи Тойогонга қарши ўтказиб, дуранг қайд этганди. Субханкулов ҳисобида эса 7 та ғалаба мавжуд.