13 июл 14:32
Янгиликлар

Бокс/ММА

Абдурозик: "Биз қўлимиздан келганини қилдик"

Тожикистонлик блогер ва қўшиқчи Абдурозик ҳамюртимиз Эрали Бойқобилов билан бўлиб ўтган кўргазмали бокс жангидан кейин ўз фикрлари билан ўртоқлашди.

"Иккаламиз ҳам қўлимиздан келганини қилдик. Асосийси, барчага клинчга кириб ўтирмаслигимизни ёки бунга қодир эмаслигимизни кўрсатишни хоҳладик. Биз ҳам бошқалар каби яхши иш қилдик. Мен машғулотларни давом эттираман, чунки мен бу жангга бир ойдан камроқ вақт давомида тайёргарлик кўрдим. Эрали ҳам ажойиб иш қилди.

Ўйлайманки, бокс менга руҳий куч беради, шунингдек, биз каби бошқаларни спортга киришишга ундайди", деди Абдурозик.

Эслатиб ўтамиз, блогерлар ўртасидаги бокс жанги 6 июль куни Дубай шаҳрида бўлиб ўтган эди. Унда ҳакамлар дуранг натижасини эълон қилишганди.