Абдусатторов ва Синдаров жамоалари чемпионлик баҳсида 500 000 доллар тақдири ҳал бўлди

Мукофот жамғармаси бир миллион АҚШ долларини ташкил қилган мусобақада таркибига жами 36 нафар машҳур гроссмейстерни жамлаган 6 та жамоа бош соврин учун баҳс олиб борди. Кеча ушбу турнирда ҳал қилувчи финал учрашуви ўтказилди. 

Қувонарлиси, Global Chess League 2024 бош соврини учун Нодирбек Абдусатторовнинг Alaskan Knights жамоаси Жавоҳир Синдаров ўйнаётган Triveni Continental Kings жамоасига қарши баҳс олиб борди. Triveni Continental Kings жамоаси биринчи учрашувда 9-7, иккинчи баҳсда эса 13:7 ҳисобида ғалаба қозониб, мусобақа чемпионига айланди. 

Шу тариқа, Жавоҳир Синдаров Triveni Continental Kings жамоаси билан бирга мусобақа бош соврини ҳамда 500 минг АҚШ доллари миқдоридаги пул мукофотини қўлга киритди. Нодирбек Абдусатторов ва Alaskan Knights жамоаси 250 минг долларга эга чиқди. 

PBG Alaskan Knights жамоаси таркиби: Аниш Гири (Нидерландия), Нодирбек Абдусатторов (Ўзбекистон), Шахрияр Мамедьяров (Озарбайжон), Тань Чжунъи (Хитой), Алина Кашлинская (Польша), Ниҳал Сарин (Ҳиндистон)

Triveni Continental Kings жамоаси таркиби: Алиреза Фирузжа (Франция), Вей Йи (Хитой), Теймур Ражабов (Озарбайжон), Александра Костенюк (Швейцария), Валентина Гунина (Россия), Жавоҳир Синдаров (Ўзбекистон)