29 дек 12:29
Янгиликлар

Шахмат

Абдусатторовдан ташқари Карлсенни яна бир ёш шахматчимиз таслим этган

Хабарингиз бор, кеча Польшанинг Варшава шаҳрида ўтказилаётган рапид ва блиц шахмат бўйича жаҳон чемпионатида рапид баҳслари ўз якунига етди.

Абдусатторов 10-партияда амалдаги жаҳон тожи эгаси Магнус Карлсенга қарши оқ доналарда ҳаракат қилиб, рақибини мағлуб этди ва якунда рапид бўйича жаҳон чемпионлигини қўлга киритди. Магнус Карлсен чемпионатдаги ягона мағлубиятини айнан Абдусатторовдан қабул қилиб олди.

Магнус Карлсен илк бор ўзбекистонлик шахматчига мағлуб бўлаётгани йўқ. У 2018 йил Санкт-Петербург шаҳри мезбонлик қилган рапид ва блиц бўйича жаҳон чемпионатида ҳам ўзбекистонлик ёш гроссмейстерга ютқазган эди.

Ўшанда рапид бўйича жаҳон чемпионатининг 2-турида 16 ёшли Шамсиддин Воҳидов Магнус Карлсенни шов-шувли тарзда мағлуб этган эди. Карлсен икки ёш шахматчимизга ҳам рапидда мағлуб бўлди.