25 окт 11:37
Янгиликлар

Дзюдо

Абу-Даби. Дзюдочиларимиз иккинчи кун баҳсларини муваффақиятли бошлашди

Хабар берганимиздек, шу кунларда БАА пойтахти Абу-Даби шаҳрида дзюдо бўйича “Катта Дубулға” туркумига кирувчи турнир бўлиб ўтмоқда.

Бугун нуфузли мусобақанинг иккинчи куни жами 4 та (аёллар 2 та, эркаклар 2 та) вазн тоифасида ғолиб ва совриндорлар номи маълум бўлади. Бугун 4 нафар дзюдочимиз ўз имкониятини синовдан ўтказмоқда.

Бироз аввал -73 кг вазн тоифасидаги юртдошимиз Ҳикматиллоҳ Тўраев илк давра учрашувида албаниялик Жон Вренози, -81 кг вазндаги вакилимиз Шарофиддин Болтабоев аргентиналик Томас Моралесни мағлубиятга учратди.

Ушбу вазндаги яна бир ҳамюртимиз Камолиддин Расулов эса биринчи даврада анча тажрибали рақиб, бельгиялик Сами Шушидан устун келди. Бироздан сўнг -70 кг вазндаги дзюдочимиз Гулноза Матниязова испаниялик Мария Бернабеуга қарши татамига чиқади.