09 сен 13:28
Янгиликлар
Бокс/ММА
Абу-Даби ҳукумати Нурмагомедов — Макгрегор реванш жангини ўтказишга тайёрлигини билдирди
БАА пойтахти Абу-Даби шаҳри енгил вазнда UFC чемпиони Хабиб Нурмагомедов ҳамда промоушеннинг собиқ икки вазн тоифаси чемпиони Конор Макгрегор ўртасидаги реванш жангини ўтказмоқчи.
Бу ҳақида Абу-Даби туризм департаменти бошлиғи Саид Ал-Саид фикр билдирди.
"Биз икки буюк жангчи ўртасидаги реванш жангини ўтказишдан беҳад бахтиёр бўлардик. Абу-Даби мезбонлик учун тайёр ва ишончим комил, реванжни жуда юқори савияда ташкил этиб берамиз. Ўйлайманки, UFC президенти Дэна Уайт ҳам бу таклифга қизиқиш билдиради. Биз бир нечта UFC турнирларини ўтказиш орқали буни исботладик", — дейди Ал-Саид.
Эслатиб ўтамиз, Нурмагомедов — Макгрегор жанги 2018 йилнинг октябрь ойида ўтказилган ва ўшанда доғистонлик чемпион рақибини тўртинчи раундда мағлубиятга учратган эди.
Ҳавола :
Манба : championat.com
Фикрлар