Абу-Даби. Иккинчи кун қаҳрамонлари, улар орасида Ҳикматуллоҳ Тўраев ҳам бор!

Кеча мусобақанинг иккинчи куни жами 4 та (аёллар 2 та, эркаклар 2 та) вазн тоифасида медаллар ҳамда Олимпиаданинг муҳим рейтинг очколари учун беллашувлар ўтказилди.  

Қувонарлиси, -73 кг вазн тоифасида юртимиз шарафини ҳимоя қилган дзюдочимиз Ҳикматуллоҳ Тўраев мусобақанинг бронза медали ҳамда 500 рейтинг очкосини ҳам қўлга киритди. 

Шу тариқа, ҳамюртимиз ўзининг "Катта Дубулға" турнирларидаги илк медалига эга чиқди. Унинг бронза медали учун кечган баҳсдаги рақиби Олимпиаданинг бронза медали совриндори Дирк Ван Тичельт эди. Ҳикматуллоҳ тажрибали ва номдор рақибини вазари баҳоси эвазига енгди. Шу билан бирга Тўраев Токио-2020 Олимпиадаси учун қимматли рейтинг очколарини ҳам ўзиники қилиб олди.    

Иккинчи кун қаҳрамонлари:

Аёллар

-63 кг вазн тоифаси

1. Тина Трстеняк (Словения)

2. Мейлин Карвахал Дел Торо (Куба)

3. Кетлейн Куадрос (Бразилия)

3. Жун Ксиа Янг (Хитой)

-70 кг вазн тоифаси

1. Ким Поллинг (Голландия)

2. Санне Ван Дийк (Голландия)

3. Микаэла Поллерес (Австрия)

3. Элвисмар Родригес (Венесуэла)

Эркаклар

-73 кг вазн тоифаси

1. Билал Килоглу (Туркия)

2. Артур Маргелидон (Канада)

3. Игор Вандтке (Германия)

3. Ҳикматуллоҳ Тўраев (ЎЗбекистон)

-81 кг вазн тоифаси

1. Ли Жин Мун (Жанубий Корея)

2. Лука Майсурадзе (Грузия)

3. Ведат Айбайрак (Туркия)

3. Доминик Рессел (Германия)