24 окт 16:41
Янгиликлар

Дзюдо

Абу-Даби "Катта Дубулға". Аҳадов, Нуруллаев ва Келдиёрова иштирокларини якунлашди

Бугун БАА пойтахти Абу-Даби шаҳрида дзюдо бўйича "Катта Дубулға" туркумига кирувчи турнир старт олди.

-66 кг вазн тоифасида Ўзбекистон номидан икки дзюдочимиз татамига чиқди. Сардор Нуриллаев биринчи босқичда словакиялик Матей Польякни мағлуб этди, лекин иккинчи даврада кореялик Ан Баулга ютқазиб қўйди.

Ушбу вазндаги иккинчи вакилимиз Шаҳрам Аҳадов эса тўғридан-тўғри иккинчи даврадан курашга қўшилди ва илк учрашувидаёқ испаниялик Альберто Мартин Гайтерога имкониятни бой берди.

Аёллар ўртасидаги -52 кг вазн тоифасида юртимиз шарафини ҳимоя қилган Диёра Келдиёрова биринчи даврада грузиялик Марьям Жанашвилини енгди. Аммо, иккинчи босқичда британиялик Челси Жилесдан енгилди.