Абу-Даби "Катта Дубулға" турнирида 9 нафар дзюдочимиз иштирок этади

20-22 октябрь кунлари Амирликлар пойтахти Абу-Даби шаҳрида "Катта Дубулға" турнири бўлиб ўтади. Умумий мукофот жамғармаси 154 000 еврони ташкил қилувчи нуфузли мусобақада дунёнинг 5 қитъаси 67 давлатидан жами 456 (272 эркак, 184 аёл) нафар дзюдочи медаллар ҳамда Париж-2024 Олимпиадаси йўлидаги муҳим рейтинг очколари учун татамига чиқади. 

Улар қаторида Ўзбекистон терма жамоасининг 9 нафар дзюдочиси ҳам муросасиз беллашувларда иштирок этади. Таркибдаги дзюдочилардан биргина Отабек Тўрабоев Тошкентдаги жаҳон чемпионатида иштирок этмаган эди.  

Абу-Дабига йўл оладиган Ўзбекистон таркиби:

Эркаклар

-73 кг: Шаҳрам Аҳадов, Обидхон Номонов 

-100 кг: Отабек Тўрабоев

+100 кг: Бекмурод Олтибоев    

Аёллар

-48 кг: Халимажон Қурбонова

-52 кг: Диёра Келдиёрова

-57 кг: Шукуржон Аминова 

-70 кг: Шоҳиста Назарова 

-78 кг: Ирисхон Қурбонбоева