25 дек 10:09
Янгиликлар

Бошқалар

Абу-Дабида зафар қучган спортчилар тантанали кутиб олинди

Бирлашган Араб Амирликларининг Абу-Даби шаҳрида пенчак-силат спорт тури бўйича ёшлар, ўсмирлар ва катталар ўртасида ўтказилган жаҳон чемпионатида юртимиз спортчилари 38 та медаллар шодасига эга чиқди.

Муросасиз баҳслар сарҳисобига кўра, Ўзбекистон спортчилари 7 та олтин, 11 та кумуш, 20 та бронза медалига сазовор бўлди.

Жаҳон чемпионатида Ўзбекистон номини улуғлаган юртимизнинг ғолиб спортчилари Ислом Каримов номидаги Тошкент халқаро аэропортида тантанали кутиб олинди.

Спорт вазирлиги масъуллари, Ўзбекистон пенчак-силат спорт федерацияси расмийлари ва спортчиларнинг яқинлари иштирок этган кутиб олиш маросимида Абу-Дабида муваффақиятга эришган спортчи ёшларга совғалар тақдим этилди.

Жаҳон чемпионатидаги ўзига хос натижа келгуси ютуқларга пойдевор бўлиши таъкидланди.