22 сен 14:22
Янгиликлар

Бокс/ММА

Абубакар Нурмагомедов ҳам UFC 280 турнирида октагонга кўтарилади + ПОСТЕР

22 октябрь куни БАА пойтахти Абу-Даби шаҳрида юлдузли кардга эга UFC 280 турнири бўлиб ўтади.

Ушбу оқшом доирасида россиялик аралаш яккакураш усталари ҳам октагонга кўтариладиган бўлди. Гап Абубакар Нурмагомедов ва Гаджи Омаргаджиев ҳақида кетмоқда. Бу ҳақида лига матбуот хизмати хабар берди. Бу икки жангчи ўртасидаги жанг ўрта вазн тоифасида ташкил этилади.

Абубакар Нурмагомедов Хабиб Нурмагомедовнинг жияни ҳисобланади. Унинг ҳисобида 16 ғалаба, 3 мағлубият ва 1 дуранг бор. Аслида Абубакар июль ойида АҚШда жанг ўтказиши керак эди. Аммо виза билан боғлиқ муаммо сабаб унинг UFC турниридаги жанги амалга ошмай қолганди.

Омаргаджиевга келсак, у 13 ғалаба ва 1 мағлубият қайд этган. Гаджи сўнгги жангида Кайо Борральога имкониятни бой бериб қўйган эди.