Адам Яндиев Сергей Харитонов билан ярашди

«Хайрли кун дўстлар, ассалом алейкум. Мен мамнуният билан Сергей Харитонов билан бўлган тушунмовчилигимиз бугун ўз якунига етганини маълум қиламан. Бу низо қон тўкилиши билан давом этмаганидан хурсандман. Ҳаммамизда ҳам гуноҳлар бор, барча инсонлар каби хатолар қиламиз. 

Бугун Сергей билан бўлган учрашувимиз барчасига нуқта қўйди. Сергей ўз хатоларини англаб етди, мен эса ўз айбларимни. Биз бир биримиздан кечирим сўрадик. Бу Сергей томонидан ҳақиқий эркакча юриш бўлди дея оламан. Ҳаммаси қонун бўйича ҳал қилинди. Бир бирингизга қўл кўтарманг, барчасини қонун бўйича ҳал қилинг», -деб ёзади Адам Яндиев ўз инстаграм саҳифасида.