Адесанья Махачев - Волкановски реванш жангига ўз тахминини айтди

Хабарингиз бор, оқшомнинг марказий жанги енгил вазн тоифасида Ислам Махачев ва Александр Волкановски ўртасида бўлиб ўтади. Нигерияликнинг сўзларига қараганда, унинг жамоадоши Махачевни муддатидан аввал мағлубиятга учратиб, биринчи жангдаги мағлубият учун муносиб реванш олади. 

"Менимча, Волк илк жангда ҳам ғалаба қозонган эди. Волкановски ўша жангда раунддан раундга ўзига бўлган ишончини ошириб бораётганди. Ҳа, бу сафар Волк тўлиқ машғулот лагерини ўтагани йўқ. Лекин у охирги жангидан кейин зални деярли тарк этгани ҳам йўқ. Ўйлашимча, бу гал Алекс Махачевни тўхтатади. Бу менинг шахсий фикрим. Агар менга рухсат этилганида, мен пулларни кимга тикишимни билардим", - дея Адесаньянинг сўзларини келтирмоқда MMAJunkie.  

Эслатиб ўтамиз, ярим енгил вазн тоифасида UFC чемпиони бўлиб турган Алекс Волкановски уч кун аввал Исламга қарши жангга розилик берган эди. У жароҳати сабаб курашдан чиққан Чарльз Оливейранинг ўрнини эгаллаганди.