Адесанья: "Менсиз ўрта вазнда зерикарли. Уни яна қизиқарли қилиш вақти келди"

Унинг рақиби франциялик Нассурдин Имавов бўлади. 

"Ҳаётда нимадир ўзгартириш фойдали, аммо охир-оқибат бу барибир шунчаки жанг. Жанг олдидан шов-шувни яхши кўрадиган мухлислар учун бу зерикарли бўлиши мумкин, лекин жангнинг ўзи жуда ажойиб бўлади. Мен учун асосийси – ўзимга ўзим ҳали ҳам ўша Адесанья эканлигимни исботлашдир. Мен энг яхшилардан бири эканлигимни биламан. Ҳали ҳам ривожланаётганимни, кучаяётганимни ҳис қиляпман ва нималарга қодир эканлигимни бутун дунёга кўрсатмоқчиман. Менсиз ўрта вазн зерикарли бўлиб қолади, шунинг учун уни яна қизиқарли қилиш вақти келди", — деди Адесанья.