Афруза Ҳамдамова рапид йўналишида қизларимиз орасидаги энг яхши натижа муаллифи бўлди (Тўлиқ натижалар)

Шахмат мундиалидаги рапид йўналишида аёллар ўртасидаги беллашувлар якунланди.

Уч кун давомида шахматчилар 11 та партияда иштирок этди. Якунда Халқаро нейтрал спортчи Анастасия Боднарук 8,5 очко билан чемпион бўлди.Кучли учликдан Ҳиндистон вакиласи Ҳумпи Конеру ҳамда хитойлик Лей Тингжи жой олди.

Баҳсларда Ўзбекистон терма жамоасининг 13 нафар аъзоси ҳам иштирок этди.

Якунда ҳамюртларимиз орасидаги энг яхши натижа Афруза Ҳамдамовага тегишли бўлди. У 11 та имкониятдан 6,5 очко жамғиришга муваффақ бўлди. Ёш ҳамюртимиз бу натижаси орқали Жаҳон чемпионатини 34-ўринда якунлади.

Умида Омонова эса 11 та уринишдан 5,5 очко ишлади ва 57-поғонадан жой олди.

Сарвиноз Қурбонбоева ҳамда Нодира Нодиржонова 4,5 очко тўплаган бўлса, Гулдона Каримова, Нилуфар Якуббоева ҳамда Мафтуна Бобомуродова 4 очко ишлашга муваффақ бўлди.

Шунингдек, Маржона Маликова, Юлдуз Ҳамроқулова ҳамда Зилола Актамова 11 та имкониятда 3,5 очко ишлади. Ҳулкар Тоҳиржонова ва Шаҳноза Ҳамроқулова эса Жаҳон чемпионатини 3 очко билан якунлади.