Афсонавий Икер Касильяс фаолиятини якунлашини эълон қилди

Касильяснинг футболдан кетиши қишдаёқ айтилганди. 2019 йил май ойида у юрак хуружини бошдан кечирганди. Кейинроқ Икер Испания футбол Федерация президенти бўлиш учун ўз номзодини илгари сурди, бироқ кейинроқ уни қайтариб олди. Сўнгги маълумотларга кўра, у «Реал»га қайтади ва президент маслаҳатчиси бўлади.

Касильяс «Реал» клуби тарбияланувчиси ҳисобланади. У 1998-2015 йилларда мадридликлар сафида тўп тепди. «Қироллик клуби» билан бирга 18та соврин қўлга киритди. Улар орасида 5та Испания чемпионлиги, иккита мамлакат кубоги ва учта Европа чемпионлар лигаси соврини бор. «Порту» билан икки бор Португалия чемпиони бўлди, мамлакат Кубоги ва Суперкубогини қўлга киритди.

Испания терма жамоаси сафида Касильяс 2000-2016 йилларда ўйнади. Терма жамоа билан бирга икки бор Европа ва бир бор Жаҳон чемпиони бўлди.