18 фев 09:12
Янгиликлар

Теннис

Афсонавий Клийстерс қайтишини мағлубият билан "нишонлади"

БААнинг Дубай шаҳрида теннис бўйича нуфузли WTA турнирининг асосий тўр баҳслари старт олди.

Бельгиялик теннис афсонаси, 36 ёшли Ким Клийстерс катта теннисга қайтди. У Dubai Duty Free Championships мусобақасининг илк даврасида испаниялик Гарбин Мугурусага қарши кортга чиқди.

Дунё рейтингида 16-ўринни эгаллаб турган Гарбин рақибасига ортиқча хурмат сақлаб ўтирмади ва икки сетда 6/2, 7/6(6) ҳисобида ғалаба қозонди. Бу теннисчиларнинг ўзаро илк учрашуви эди.