16 окт 06:32
Янгиликлар
Гимнастика
Афсонавий Оксана Чусовитина Тошкентда тантанали кутиб олинди
Германиянинг Штутгарт шаҳрида спорт гимнастикаси бўйича жаҳон чемпионати баҳслари ўтказилгани ҳақида хабар берган эдик.
Жаҳон чемпионатида Ўзбекистон терма жамоаси муваффақиятли иштирок этди ва бирйўла икки атлетимиз - Оксана Чусовитина ва Расулжон Абдураҳимов келгуси йил Япониянинг Токио шаҳри мезбонлик қиладиган XXXII ёзги Олимпия ўйинлари йўлланмасини қўлга киритишди.
Гарчи вакилларимиз дунё биринчилигида совриндорлар қаторидан жой олишолмаган бўлса-да, олимпиада ўйинларига лицензия берувчи ўринлардан жой ола билишди.
Бугун эрта тонгда ҳамюртларимиз Ўзбекистонга қайтиб келдилар ва уларни Ислом Каримов номидаги Тошкент Халқаро аэропортида Жисмоний тарбия ва спорт вазирлиги, Ўзбекистон гимнастика федерацияси ҳамда оммавий ахборот воситалари ҳодимлари томонидан кутиб олинди.
Ҳавола :
Фикрлар