19 окт 16:06
Янгиликлар

Бокс/ММА

Афсонавий Руслан "Оқ Тайсон" Чагаевни табриклаймиз!

Бугун супероғир вазн тоифасида собиқ жаҳон чемпиони ҳисобланган юртдошимиз Руслан Чагаев таваллуд айёмини нишонламоқда.

Афсонавий чарм қўлқоп устамиз бугун 42 ёшни қарши олди.

Руслан Чагаев 1978 йилнинг 19 октябрида Андижонда туғилган. Фаолияти давомида 38 та жанг ўтказиб, уларнинг 34 тасида ғалаба қозонган (21 таси нокаут билан), битта жангда дуранг қайд этилган. Яна 3 та жангда эса у имкониятни бой бериб қўйган.

Ҳаваскор боксда Осиё ва икки карра жаҳон чемпиони. Профессионал рингда эса 2007 йилда Николай Валуевни мағлубиятга учратиб, WBA йўналишининг супероғир вазн йўналишида жаҳон чемпионига айланган. 2016 йилнинг 17 октябрида фаолиятини якунлашга қарор қилган.

Фурсатдан фойдаланиб, Руслан Чагаевни бугунги шукурона куни билан муборакбод этамиз!