Афсонавий Шумахернинг ҳозирги аҳволи ҳақида маълумот берилди

Чанғида учиш пайтида олган оғир жароҳатидан сўнг Шумахер 12 йилдан ортиқ вақт давомида жамоатчилик олдида кўринмаган эди. "Daily Mail"нинг хабар беришича, Михаэль энди тўшакка боғланиб қолмаган ва тиббий ходимлар ёрдамида ногиронлик аравачасида уй ичида ҳаракатлана олади.

Маълум қилинишича, у 24 соат давомида шифокорлар назорати остида бўлиб, виллада яшамоқда. Шу билан бирга, унинг аҳволи ҳақидаги маълумотлар яқинларининг қарорига кўра ҳали ҳам қатъий чекланган.

Қайд этилишича, Михаэлни кўриш имкониятига эга бўлган кам сонли инсонлардан бири – "Ferrari" собиқ раҳбари Жан Тодт ҳисобланади. У аввалроқ мунтазам равишда Шумахернинг ҳолидан хабар олаётгани, у билан бирга Формула-1 босқичларини томоша қилаётганини айтган эди.