30 дек 14:01
Янгиликлар

Формула-1

Афсонавий Шумахернинг қоядан қулаганига 5 йил бўлди

“Формула-1” пойгаларида етти карра жаҳон чемпиони Михаэль Шумахернинг тоғ-чанғи курортида жароҳат олганига кеча 5 йил тўлди.

Аниқроғи, германиялик афсона 2013 йилнинг 29 декабрь куни Франциянинг Альп тоғларида чанғи учаётганда йиқилиб, тошга бориб урилганди. Бош мия жароҳати ташхиси билан касалхонага олиб борилган Шумахер комага тушиб қолган эди.

Ҳозирда Шумахер ўз уйида муолажаларни давом эттирмоқда. Ўн беш нафар мутахассис туну кун Шумахерга қараяпти. Бир ҳафталик муолажалар учун 157 000 доллар сарфланмоқда. Ҳозиргача Михаэлнинг оила аъзолари спортчининг ҳолати ҳақида аниқ маълумот беришмаяпти.