19 авг 15:46
Янгиликлар

Бокс/ММА

Афсонавий Холифилд Жошуанинг қай ҳолатда Усикни мағлуб этиши мумкинлигини айтди

Собиқ бокчи Эвандер Холифилд Энтони Жошуага Александр Усик билан реванш жангидан олдин маслаҳат берди.

"Албатта, осон бўлмайди. Лекин агар Жошуа Усикни ҳимояланишга ундамаса, унга босим ўтказмаса, яна мағлубиятга учрайди. Жангни икки турга ажратиш мумкин: кичик бўйлилар ва баланд бўйлилар жанги. Якуний натижа жангнинг қандай боришига боғлиқ", - дея Холифилднинг сўзларини келтиради Mirror нашри.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.

Аввалроқ, Эвандер Холифилднинг ушбу жангни бевосита кузатиш учун Саудия Арабистонига етиб боргани ҳақида хабар берган эдик.