15 май 14:06
Янгиликлар

Бокс/ММА

Афсонавий Холифилднинг ўғлини нокаут қилишди

Бугун АҚШнинг Калифорния штати Лос-Анжелес шаҳрида профессионал бокс кечаси бўлиб ўтгани ҳақида хабар берган эдик.

Инглвуддаги "Forum Stadium"да ўтган бокс оқшомининг қизиқарли жангларидан бири биринчи ўрта вазн (69,9 кг) тоифасида кечди. Унда афсонавий Эвандер Холифилднинг ўғли Эван Холифилд (9-1, 6-0 КО) ватандоши Жермейн Макдональд (7-5, 3 КО)га қарши рингга кўтарилди.

Жанг кутилмаганда иккинчи раундда кичик Холифилднинг нокаути билан якунланди. Макдональд ўнг қўл хук зарбаси билан Эванни чуқур нокаутга учратди. Холифилд реферининг тўққизгача санагунига қадар туришга улгурди, аммо ҳакам жангни давом эттирмасликка қарор қилди.

Шу тариқа, Эван Холифилд фаолиятидаги илк мағлубиятини қабул қилиб олди. Шу кунгача у 8 та жангнинг барчаси ғалаба қозонган эди.