Афсуски, сардоримиз ҳам мундиални ўтказиб юборади. Ўзбекистон футзал терма жамоасининг ЖЧ-2024 учун якуний рўйхати маълум

Тўрт кун олдин ФИФА терма жамоаларнинг қайдномасини эълон қилган эди. Бугун эса ЎФА матбуот хизмати якуний рўйхатни маълум қилди.

Бош мураббий Хосе Венансио Лопез ФИФА футзал Жаҳон чемпионатида иштирок этадиган футзалчиларнинг якуний рўйхатини эълон қилди. Дилшод Раҳматов жароҳати туфайли якуний қайдномадан ўрин олмади, унинг ўрнига таркибга Анасхон Раҳматов жалб этилди.

Ўзбекистон футзал терма жамоасининг ЖЧ-2024 учун қайдномаси

Дарвозабонлар: 1.Суннат Анваров ("Бунёдкор"), 12.Аббос Элмуродов (БМБ).

Ўйинчилар: 2.Фазлиддин Ботиров (ОКМК), 3.Машраб Одилов (БМБ), 4.Ихтиёр Ропиев ("Оил Стар"), 5.Музаффар Аҳаджонов (БМБ), 6.Илҳом Ҳамроев ("Оил Стар"), 7.Анасхон Раҳматов ("Оил Стар"), 8.Ҳусниддин Нишонов ("Оил Стар"), 9.Элбек Тўлқинов (ОКМК), 10.Акбар Усмонов (БМБ), 11.Аброр Аҳметзянов (ОКМК), 13.Меҳрож Худойбердиев ("Динамо"), 14.Самариддин Беркинов ("Динамо").

Маълумот ўрнида, вакилларимиз ЖЧдаги иштирокини 14 сентябрь Нидерландияга қарши ўйин билан бошлайдилар. Мундиал расмий очилиш ўйини ҳисобланган ушбу баҳс "Ҳумо Арена"да бўлиб ўтади.