30 июн 09:14
Янгиликлар
Футбол
Агар “Атлетико” мағлуб этилмаса, Сетьенга чиқиш эшиклари кўрсатилади
“Барселона” раҳбарияти жамоа “Атлетико” ва “Вильярреал”га қарши ўйинда очко йўқотса, бош мураббийи Энрике Сетьенга чиқиш эшикларини кўрсатиши мумкин, дея хабар бермоқда AS.
Нашрнинг тасдиқлашича, агар бугун “Атлетико”га қарши ўйинда каталонияликлар уч очкони қўлга кирита олишмаса, Сетьен истеъфога чиқарилиб, мавсум охирига қадар жамоани “Барселона В” устози Хавьер Гарсия Пимьента бошқариб туради.
Илгарироқ “Барселона” футболчилари ва Сетьен ўртасида “Сельта”га (2:2) қарши учрашувдан кейин келишмовчилик келиб чиққанлиги ҳақида хабарлар чиққанди. Футболчиларга мураббийнинг тактик қарорлари маъқул тушмаган. Футболчиларнинг фикрича, агар вазият ўзгармаса, жамоа муваффақиятларга эришиши қийин.
“Барселона” Ла Лига 32-туридан кейин 69 очко жамғариб, чемпионат турнир жадвалида иккинчи поғонани банд этган.
Ҳавола :
Фикрлар