30 окт 17:53
Янгиликлар

Спорт курашлари

Аҳрол Рўзиев яна тўрт йил муддатга UWW вице-президенти этиб сайланди

Албания пойтахти Тирана шаҳрида ўтаётган спорт курашлари бўйича ноолимпия вазн тоифасидаги жаҳон чемпионати доирасида Бирлашган кураш дунёси (UWW)нинг янги сайланган бюро йиғилиши бўлиб ўтди.

Унда ташкилот раҳбарияти қайта шакллантириб олинди.

Аҳамиятлиси, узоқ йиллардан бери UWW вице-президенти вазифасида фаолият кўрсатиб келаётган юртдошимиз, педагогика фанлари доктори, профессор Ахрол Рўзиев яна 4 йил муддатга ушбу лавозимда ишлайдиган бўлди.

Шунингдек, Михаил Мамиашвили ва Наталя Яригина (Россия), Теодорас Хамакос (Греция), Родик Якши (Туркия) ҳамда Фуад Мескут (Марокаш) ҳам ташкилот вице-президенти сифатида фаолият олиб боришади.