AIBA президентлиги учун сайлов. Икки даъвогар ўз номзодини қайтиб олди

Аввалроқ ташкилот раҳбарлиги учун етти номзод кураш олиб бораётганлиги ҳақида хабар қилинганди. 

Сайлов ўтказилишига бир кун қолганида номзодлар сони беш нафар қолди. Кеча Доминикан бокс федерацияси президенти Доминго Солано ўз номзодини қайтиб олган бўлса, бироз аввал германиялик Рами Ал Масри президентлик учун курашдан чиққани ҳақида AIBAга расмий хабар юборди. Бу ҳақида ташкилот расмий сайти хабар қилди.

Демак, ҳозирча AIBA президентлиги учун беш нафар номзод қолган:

Анас Отаиба - БАА (Осиё бокс конфедерацияси президенти, АIBA вице-президенти)

Умар Кремлёв - Россия (Россия бокс федерацияси бош котиби, AIBA ижроқўм аъзоси)

Сулейман Микайилов - Озарбайжон (AIBA ижроқўм аъзоси)

Муҳаммад Мустазан - Марокаш (Ҳозирги вақтинчалик президент)

Борис ван дер Ворст - Нидерландия (EUBC ижроқўм аъзоси, Нидерландия бокс федерацияси президенти)

Ўзбекистон бокс федерацияси матбуот хизмати