14 июл 12:57
Янгиликлар

Осиё ўйинлари

Аичи-Нагоя 2026: Uzbekistan Aquatics, волейбол ва велоспорт федерацияларида тайёргарлик жараёнлари муҳокама қилинди

Теглар : Аичи-Нагоя 2026

Спорт вазири ўринбосари Шаҳрилло Маҳмудов ҳамда Миллий олимпия қўмитаси раиси ўринбосари Шерзод Ташматов Японияда бўлиб ўтадиган Аичи-Нагоя ёзги Осиё ўйинларига тайёргарлик ишларини ўрганиш мақсадида қатор спорт федерацияларига ташриф буюрди.

Бу гал масъуллар Uzbekistan Aquatics, Ўзбекистон волейбол федерацияси ҳамда Ўзбекистон велоспорт федерациясида бўлиб, федерациялар раҳбарияти, мураббийлар ва мутахассислар иштирокида миллий терма жамоаларнинг тайёргарлик ҳолатини атрофлича муҳокама қилди.

Учрашувлар давомида спортчиларнинг машғулот режалари, халқаро мусобақалар тақвими, лицензия ва рейтинг мусобақаларидаги иштироки, ўқув-машғулот йиғинлари, илмий-методик ҳамда тиббий таъминот, шунингдек, Осиё ўйинларида юқори натижа қайд этиши кутилаётган спортчиларнинг тайёргарлигига алоҳида эътибор қаратилди.

Шунингдек, ҳар бир федерация кесимида мавжуд имкониятлар, тайёргарлик жараёни самарадорлигини янада ошириш ҳамда мусобақаларга пухта ҳозирлик кўриш юзасидан тегишли таклиф ва тавсиялар билдирилди.

Маълумот учун, Аичи-Нагоя 2026 ХХ ёзги Осиё ўйинлари 19 сентябрдан 4 октябргача Японияда бўлиб ўтади.